ABŞ Dövlət Departamenti Ukrayna ilə təhlükəsizlik təminatları üzrə danışıqların başlandığını təsdiqləyib.

Publika.az xəbər verir ki, bu barədə Amerika Xarici İşlər Nazirliyi bəyanat yayıb.

"Bu gün Dövlət Departamentinin, ABŞ Müdafiə Nazirliyinin və Ağ Evin Milli Təhlükəsizlik Şurasının nümayəndələri uzunmüddətli təhlükəsizlik təminatına dair ikitərəfli danışıqlara başlamaq üçün ukraynalı həmkarları ilə görüşüblər", - ABŞ Xarici İşlər Nazirliyinin bəyanatında deyilir.

Qeyd edək ki, bundan əvvəl Ukrayna prezidentinin ofisinin rəhbəri Andriy Yermak Ukrayna və ABŞ-ın Kiyevə təhlükəsizlik zəmanətinin verilməsi ilə bağlı danışıqlara başladığını açıqlamışdı.