Respublikaçıların əksəriyyəti Donald Trampın 2021-ci ilin yanvarında Vaşinqtonda Kapitoliya binasına baş verən iğtişaşlara görə həbs olunacağı təqdirdə qarşıdan gələn 2024-cü il prezident seçkilərində ona səs verməyəcək.
Bizimyol.info xəbər verir ki, bu barədə müvafiq məlumatları "Ipsos"un sosioloji araşdırmalarına istinadən "Reuters" yayıb.

Sorğunun nəticələrinə görə, respondentlərin 52%-i Trampın “həbsxanaya düşəcəyi təqdirdə ona səs verməyəcəklərini”, 28%-i isə onun namizədliyini dəstəkləyəcəyini bildirib. Tədqiqat həmçinin qeyd edir ki, əgər Tramp barədə cinayət təsdiq edilərsə, məhkəmə heyəti tərəfindən onun məhkum edilməsinə qərar verilərsə, bu halda respublikaçıların 45%-i ona səs verməyəcək.

Eyni zamanda, Respublikaçılar Partiyasının rəyi soruşulan tərəfdarlarının 75%-i Trampa qarşı ittihamların “siyasi motivli” olması ilə razılaşıb. "Reuters"in məlumatına görə, respublikaçıların təxminən üçdə ikisi də iddiaları “inanılmaz” hesab edir.

Sorğu mindən çox insan arasında keçirilib. Səhv marjası 4 faiz bəndi idi.

Bir müddət əvvəl eks-prezident tərəfdarlarına müraciətində bildirmişdi ki, onu cinayət işi üzrə ümumilikdə 561 il həbs gözləyir. Tramp hamını Amerikanın tiranlığa sürüklənməsinə qarşı onunla birgə sülh yolu ilə ayağa qalxmağa çağırıb və ABŞ-da siyasi çıxışlarda adi hal olan seçki kampaniyasında tərəfdarlarından ianə etmələrini istəyib.