İsrailin Müdafiə ordusu yenidən Qəzza zolağının şimal bölgələrində və Qəzza şəhərində yaşayan sakinləri anklavın cənubuna getməyə çağırıb.

“Qafqazinfo” xəbər verir ki, bu barədə məlumatı İsrail ordusu “X” hesabında paylaşıb.

Sözügedən ərazilərin sakinlərindən Əl-Muvasi bölgəsinə təxliyyə olunmaq istənilib.

Xatırladaq ki, İsrailin Müdafiə ordusu oktyabrın 13-ü analoji çağırış edib. Bildirilib ki, Qəzzanın mülki əhalisini xilas etmək üçün fələstinlilərin Qəzza zolağının cənubuna təxliyə olunması mütləqdir. HƏMAS qruplaşması isə sakinləri İsrailin tövsiyələrinə qulaq asmamağa çağırıb.