O, qeyd edib ki, iki ölkə arasında iqtisadi əlaqələr inkişaf edir, Rusiya-Ermənistan ticarət dövriyyəsi ötən il 5 milyard dollar təşkil edib, bu il isə daha da sürətlə artır.
Ermənistanda Rusiyaya zidd bəyanat verənlər fikirlərini izah etməlidirlər.
“Report” xəbər verir ki, bunu Rusiyanın Ermənistandakı səfiri Sergey Kopırkin deyib.
Səfir son aylar Ermənistanda yeni təkan almış anti-Rusiya ritorikasından da danışıb. Səfir Rusiyanı xudbin məqsədlər güdməkdə və Ermənistan əleyhinə sui-qəsdlərdə ittiham edən insanların sözləri ilə əslində baş verənlər arasında məntiqi ziddiyyət görməməsindən çaşqınlıq ifadə edib.
O, qeyd edib ki, iki ölkə arasında iqtisadi əlaqələr inkişaf edir, Rusiya-Ermənistan ticarət dövriyyəsi ötən il 5 milyard dollar təşkil edib, bu il isə daha da sürətlə artır.
“Ermənistan-Rusiya münasibətləri ilə bağlı ziddiyyətli bəyanatların müəllifləri izahat verməlidirlər ki, hamı başa düşsün. Ölkələrimiz və xalqlarımız üçün bu mövzu həqiqətən çox vacibdir və ona görə də daha aydın ifadə edilməlidir”, - diplomat deyib.
"Rusiya üçün Cənubi Qafqaz böyük evimizin bir hissəsidir, çünki həqiqətən də ondan çox şey asılıdır və bizim üçün bu, həyati vacib regiondur. Aydındır ki, Rusiyanın öz maraqları var və onları həyata keçirəcək, həyata keçirəcək. Tam əminəm ki, Rusiya Federasiyasının ən mühüm, əsas maraqlarından biri regionun sakitliyi, hərbi eskalasiyanın olmaması, bölgənin sabit və iqtisadi yaşaması üçün həqiqətən səmərəli şəraitin yaradılmasıdır", - Kopırkin fikirlərini yekunlaşdırıb.