ABŞ Cənubi Qafqazda sülhü təşviq edən səyləri alqışlayır
24-10-2023, 09:00
ABŞ Cənubi Qafqazda sülhü təşviq edən istənilən xoş niyyətli səyləri alqışlayır.
Bunu ABŞ Dövlət Departamentinin sözçüsü Metyu Miller brifinq zamanı bəyan edib.
O, bildirib ki, Vaşinqton üçün Ermənistan - Azərbaycan danışıqlarının harada aparılmasının prinsipial fərqi yoxdur. “Ermənistan - Azərbaycan məsələsinə gəlincə, biz bu danışıqların harada keçirilməsindən və hansı ölkə tərəfindən aparmasından asılı olmayaraq, Cənubi Qafqaz xalqları üçün sülh və sabitliyə kömək edən istənilən xoş niyyətli səyi alqışlayırıq”, - deyə o bildirib.