İranın xarici işlər naziri Hüseyn Əmir Abdullahiyan bazar günü deyib ki, İran oktyabrın 7-də HƏMAS fələstinli militantlarının İsrailə əksəriyyəti mülki şəxslər olmaqla, ən azı 1400 nəfərin ölümü ilə nəticələnən hücumundan sonra müharibənin “genişlənməsini” istəmir.

İsrail o vaxtdan bəri Qəzza zolağına hava zərbələri endirib və İranın dəstəklədiyi islamçı Həmas qruplaşmasını məhv etmək və İsraildən Qəzzaya girov olaraq aparılmış 200-dən çox insanı qaytarmaq üçün quru əməliyyatlarına başlayıb.

“Biz bu müharibənin yayılmasını istəmirik”, Abdullahiyan CNN tele kanalına müsahibəsi zamanı deyib.

ABŞ İranın çox güman ki, HƏMAS-ın “İsrailə qarşı əməliyyatlar” planlaşdırdığını bildiyini bildirib, lakin ABŞ kəşfiyyatının ilkin hesabatlarına görə, İranın bəzi liderləri İsrailin 75 illik tarixində ən ölümcül gündə olan hücumu təəccüblə qarşılayıblar.

Hüseyn Əmir Abdullahiyan İranın hücumlarda birbaşa əli olması ilə bağlı ittihamları rədd edərək, onları “əsassız” adlandırıb.

“Bizim həmişə siyasi media və Fələstinə beynəlxalq dəstəyimiz olub. Biz bunu heç vaxt inkar etməmişik” - deyə, o bildirib.

“Bu, doğrudur, lakin Əl-Əqsa Fırtınası adlı əməliyyatla əlaqədar olaraq, bu məlumatla bağlı İranla HƏMAS arasında nə mənim hökumətim, nə də ölkəmin bir qismi arasında heç bir əlaqə yox idi”, o əlavə edib.

ABŞ və koalisiya qüvvələri son bir həftə ərzində İraq və Suriyada İranın dəstəklədiyi qüvvələr tərəfindən ən azı 19 dəfə hücuma məruz qalıb.

Əmir Abdullahiyan sübut təqdim etmədən ABŞ-ın maraqları hədəf alınarsa, İranı bölgədəki hər hansı bir hücumla əlaqələndirməyin “tamamilə yanlış olduğunu” deyib.

O, regiondakı insanların qəzəbləndiyini bildirib və əlavə edib: “Onlar bizdən sifariş almırlar. Onlar öz maraqlarına uyğun hərəkət edirlər. Bununla yanaşı, baş verənlər, HƏMAS tərəfindən həyata keçirilənlər tamamilə fələstinlilər tərəfindən idi”.

Birləşmiş Ştatlar çərşənbə axşamı Birləşmiş Millətlər Təşkilatına İranla münaqişə istəmədiyini bildirsə də, dövlət katibi Antoni Blinken İran və ya onun müvəkkillərinin ABŞ personalına hər hansı bir yerdə hücum etdiyi təqdirdə Vaşinqtonun tez və qətiyyətli hərəkət edəcəyi barədə xəbərdarlıq edib.

Pentaqon cümə axşamı bildirib ki, ABŞ hərbi qüvvələri Suriyanın şərqində İran İslam İnqilabı Keşikçiləri Korpusu və onun dəstəklədiyi qruplar tərəfindən istifadə edilən iki silah və sursat anbarına zərbələr endirib.
amerikaninsesi