Böyük Britaniyanın baş naziri Rişi Sunakın israilli həmkarı Benyamin Netanyahu ilə telefon danışığı baş tutub.

O, danışıq zamanı Qəzza zolağına humanitar yardımın tədarükünün artırılmasının vacibliyini bildirilib.

Sunak İsrailin "terrorizmə qarşı özünümüdafiə hüququndan" danışıb və "mülki itkiləri minimuma endirmək üçün bütün mümkün tədbirlərin görülməsinin vacibliyini" vurğulayıb. "O, Böyük Britaniyanın diqqətini girovların təhlükəsiz şəkildə geri qaytarılmasına və Britaniya və qeyri-Britaniya vətəndaşlarının Qəzzanı Rəfah keçidi və ya digər marşrutlar vasitəsilə tərk edə bilməsini təmin etməyə yönəldiyini bildirib", - yayılan hesabatda deyilib.