Ermənistanın baş naziri Nikol Paşinyanın “sərhədlər 1977-ci il xəritələri ilə müəyyən olunacaq” açıqlamasından sonra bu ölkədə müzakirələr yenidən qızışıb. TEREF.AZ JAMAZ.İNFO-ya istinadla xəbər verir ki, ermənilərin ən tanınmış kartoqrafı Ruben Qalçyan bu prosesdə öndə gedənlərdəndir.

Qalçıyan deyir ki, 1977-ci il xəritəsi ilə 1991-ci il xəritələri eyni şeydir. Onun sözlərinə görə, Ermənistan Azərbaycanla sərhədlərini 1926-cı ilin xəritəsinə əsasən delmitasiya və demarkasiya etməlidir. “1977 və 1991-ci il xəritələri eyni şeydir. Onların hər ikisində anklavlar var. Yəni, bir birlərindən ciddi fərqlənmirlər. Lakin Ermənistan 1926-cı il xəritələrinə istinad etməlidir. Çünki həmin xəritələrdə anklavlar, Qara göl məsələləri yoxdur. Əksinə, 1926-cı ildən sonra SSRİ Ermənistan torpaqlarını alaraq, Azərbaycana verdi”.

Qalçyan iddia edib ki, Ermənistan 1926-cı il xəritələrinə istinad etməklə, həm də Azərbaycandan “torpaqları”nı tələb etməlidir. “Biz Azərbaycandan 31 min kv.km ərazimizi tələb etməliyik. Bu gün qeyd olunan 29.8 min kv.km ərazi Ermənistanın real ərazisini əhatə eləmir”.