Rusiya Qazaxıstana ABŞ-la bağlı XƏBƏRDARLIQ ETDİ
8-11-2023, 10:48
ABŞ ordusu Qazaxıstanda sülhməramlı təlim proqramları üzərində təsirini genişləndirməyə çalışır.
Publika.az xəbər verir ki, bunu"RİA Novosti"yə Rusiya Xarici İşlər Nazirliyinin MDB ölkələri üzrə üçüncü departamentinin direktoru Aleksandr Sternik deyib .
O xatırladıb ki, oktyabrın sonunda sosial şəbəkələrdə Qazaxıstanda NATO mərkəzinin açıldığı barədə məlumatlar yayılıb:
"Sonradan bu xəbər təkzib edildi. Söhbət Qazaxıstan Müdafiə Nazirliyinin Sülhməramlı Əməliyyatlar Mərkəzində yeni konfrans zalının açılışından getdiyinə aydınlıq gətirildi".
Onun sözlərinə görə, 2006-cı ildən NATO standartları üzrə təlim keçir.
"Aydındır ki, Amerika tərəfi Qazaxıstanda öz təsirini genişləndirmək maraqları naminə bu cür hərəkətlərlə özünü "reklam" etməyə çalışır", - Sternik bildirib.
Diplomat qeyd edib ki, amerikalı hərbçilərin Qazaxıstanda olması və onların infrastrukturundan söhbət getmir.
O, vurğulayıb ki, KTMT-yə üzv olan bütün ölkələr müttəfiqləri ilə razılaşdırılmadan üçüncü ölkələrin kontingentinin yerləşdirilməsinə imkan verməmək öhdəliyinə əməl edirlər.
Hüseyn İbadlı