Qəzza probleminin həlli ilə bağlı yeni təkliflərlə 40 günlük atəşkəsin yaradılması gözlənilir.

İqtisadiyyat.az xəbər verir ki, bu barədə Böyük Britaniyanın xarici işlər naziri Devid Kemeron Ər-Riyadda keçirilən Dünya İqtisadi Komissiyasının Forumunda bildirib.

"HƏMAS-a təqdim edilən təkliflər arasında 40 günlük atəşkəs, həmçinin Qəzza zolağında saxlanılan israilli girovların azad edilməsi müqabilində minlərlə fələstinli məhbusun İsrail həbsxanalarından azad edilməsi daxildir. Ümid edirəm ki, HƏMAS bu təklifləri qəbul edəcək", - Kemeron vurğulayıb.

Böyük Britaniyanın xarici işlər naziri ötən il oktyabrın 7-də HƏMAS-ın İsrailə hücumu zamanı girov götürülənlərin hamısı azad edilməyincə Qəzzada münaqişənin bitməyəcəyinə inandığını da bildirib.