Rusiyanın xalq artisti, məşhur aktyor Boris Şerbakov xəstəxanaya yerləşdirilib.
İqtisadiyyat.az xəbər verir ki, bu barədə Mash Telegram kanalı məlumat yayıb.

Nəşrin məlumatına görə, Şerbakov xalçanın üzərindən keçərkən ayağı sürüşərək yıxılıb. Bundan sonra o, xəstəxanaya yerləşdirilib. Ona bud nahiyəsinin əzilməsi diaqnozu qoyulub. Sənətçi Mash-a özünü yaxşı hiss etdiyini bildirib. O, tezliklə sağalacağına ümid edir.

Xatırladaq ki, dekabrın 5-də də Şerbakovun təcili olaraq xəstəxanaya aparılması barədə məlumat yayılmışdı. Həmin vaxt o, binanın girişində siqaret çəkərkən huşunu itirmişdi.

Daha sonra sənətçinin yaxınları bəyan ediblər ki, Şerbakov beyin silkələnməsi və üz sümüklərinin sınığı, əziklər, yumşaq toxumaların şişməsi diaqnozu ilə xəstəxanaya yerləşdirilib.