Nazir müavininin sözlərinə görə, tənzimləyicilər ABŞ və Aİ ilə həvəslə əməkdaşlıq edirlər, çünki onlar dollar və avroya çıxışı itirməkdən qorxurlar.
ABŞ maliyyə nazirinin müavini Uolli Adeyemo bildirib ki, Vaşinqton Rusiyaya qarşı sanksiyalardan yayınmaq üçün Rusiya banklarına filiallar açmağa icazə verən ölkələri təqib etməyə başlaya bilər.
Bu barədə “Financial Times” xəbər verib.
"Biz təkcə onların açdıqları filialı təqib etməyəcəyik, həm də yurisdiksiyanızdakı onlarla əməkdaşlıq edən digər təşkilat və şirkətləri təqib edəcəyik" – Adeyemo dəqiqləşdirib.
O qeyd edib ki, bu təşəbbüs müxtəlif ölkələrin banklarını qlobal maliyyədə Qərbin hökmranlığına görə sanksiyalar siyasətinə əməl etməyə məcbur edəcək. Nazir müavininin sözlərinə görə, tənzimləyicilər ABŞ və Aİ ilə həvəslə əməkdaşlıq edirlər, çünki onlar dollar və avroya çıxışı itirməkdən qorxurlar.
Bundan əvvəl Rusiyanın Vaşinqtondakı səfiri Anatoli Antonov bildirib ki, ABŞ-ın Rusiya Federasiyasına qarşı yeni sanksiyaları böhranı daha da gücləndirən ehtiyatsız addımlardır. O, anti-Rusiya sanksiyalarının təkcə ABŞ-a deyil, digər ölkələrə də ziyan vurduğunu vurğulayaraq, iqtisadi müstəqilliyi təmin etmək üçün dünya ictimaiyyətini dollardan imtina etməyə çağırıb.