Rusiya Prezidenti Vladimir Putin, Kursk vilayətində yerləşən hərbi qrupun idarəetmə məntəqəsinə hərbi geyimdə baş çəkib.
İqtisadiyyat.az xəbər verir ki, bu barədə Kremlin mətbuat xidməti məlumat yayıb.

Putin Kurskda Rusiya Silahlı Qüvvələrinin Baş Qərargah rəisi Valeri Gerasimovun məruzəsini dinləyib.

Bu, Putinin Ukrayna Silahlı Qüvvələrinin Kursk bölgəsinə hücum etməsindən sonra vilayətə ilk səfəri olub.

Putin Kursk bölgəsindəki Rusiya hərbi qüvvələrinin əsas vəzifəsinin ərazini Ukrayna Silahlı Qüvvələrinin nəzarətindən tam azad etmək olduğunu bildirib.

“Sizin əsas tapşırığınız – mümkün olan ən qısa müddətdə Kursk vilayətində mövqelənmiş və hələ də döyüş aparan düşməni tam məğlub etmək və bölgəni tam azad etməkdir”, – deyə Putin iclas zamanı vurğulayıb.