Britaniya Avropada nüvə silahının yayılmasına qarşı çıxıb

16-03-2025, 10:54           
Britaniya Avropada nüvə silahının yayılmasına qarşı çıxıb
Böyük Britaniya Avropada nüvə silahının yayılması ideyasını dəstəkləməyib.

“Report” xəbər verir ki, bunu Böyük Britaniya və Şimali İrlandiya Birləşmiş Krallığının Baş naziri Kir Starmer deyib.

ABŞ-nin “Köhnə qitə”yə marağının azalması fonunda Avropa ölkələrində nüvə silahının peyda olması ehtimalı ilə bağlı müxtəlif ekspertlərin bəyanatlarını şərh edən britaniyalı diplomat deyib:

“Mövqeyimiz ondan ibarətdir ki, biz nüvə silahlarının mövcudluğunun artmasının qarşısını almaq üçün mümkün olan hər şeyi edəcəyik. Bu, hökumətimizin aydın və ardıcıl mövqeyidir”.

Martın 13-də Polşa prezidenti Anjey Duda “Financial Times” qəzetinə müsahibəsində Vaşinqtonu Polşada nüvə silahı yerləşdirməyə çağırıb.

Varşavadan verilən açıqlamaya cavab olaraq ABŞ prezidenti Donald Trampın administrasiyası Şərqi Avropada nüvə silahının yerləşdirilməsi ideyasını dəstəkləmədiyini vurğulayıb.












Teref.az © 2015
TEREF - XOCANIN BLOQU günün siyasi və sosial hadisələrinə münasibət bildirən bir şəxsi BLOQDUR. Heç bir MEDİA statusuna və jurnalist hüquqlarına iddialı olmayan ictimai fəal olaraq hadisələrə şəxsi münasibətimizi bildirərərkən, sosial media məlumatlarındanda istifadə edirik! Nurəddin Xoca
Məlumat internet səhifələrində istifadə edildikdə müvafiq keçidin qoyulması mütləqdir.
E-mail: n_alp@mail.ru