NATO ölkələri Ukraynanı qarşıdan gələn alyans sammiti ilə bağlı bəyanatdan çıxarıb.
Ajans.az xəbər verir ki, bu barədə “Bloomberg” mənbələrə istinadən məlumat yayıb.

İddia olunur ki, “əvvəlki sammitlərdə nəzərə çarpan” Kiyevin NATO-ya qoşulması perspektivindən əlavə, Ukraynaya 40 milyard dollar ayrılması vədindən söz açılmır. Sənəddə Kiyevə uzunmüddətli təhlükəsizlik yardımı göstərmək öhdəliyi barədə xatırlatma yoxdur. NATO ölkələri də bəyanatda Rusiyanı “təcavüzkar” adlandırmayacaq və ya Çini Rusiya Federasiyasına yardım etdiyinə görə qınamayacaqlar.

"Zirvə toplantısının bir səhifəlik bəyannaməsi yalnız müdafiə xərclərinə həsr olunub. NATO ölkələri 2032-ci ilə qədər ÜDM-in ən azı 3,5 faizini əsas müdafiə ehtiyaclarına, digər 1,5 faizini isə infrastrukturun qorunmasına xərcləyərək ABŞ-nin irəli sürdüyü 5 faiz həddinə çatacaq ", - məqalədə deyilir.

Bundan əvvəl Bloomberg xəbər vermişdi ki, NATO Ukraynaya yardım üçün xərcləri müdafiə xərcləri hədəfinə daxil etməklə məcburi etmək istəyir.