Azərbaycanın tanınmış hüquqşünaslarından biri, “Hürriyyət” qəzetinin keçmiş təsisçisi Qurban Məmmədov siyasi sığınacaq almaq üçün Britaniya Krallığına müraciət edib.

Bu haqda məlumatı Gununsesi.info saytı onun yaxınlarına istinadla yayıb.

Qurban Məmmədov isə artıq siyasi mühacir olduğunu təsdiqləyib: “Təəssüf ki, buna məcbur elədilər”.

Bildirilir ki, hazırda Böyük Britaniya Krallığında olan Qurban Məmmədovun bu addımı atmasına səbəb onun yenidən həbs edilmə ehtimalı olub.

Qeyd edək ki, Q.Məmmədov bir neçə dəfə siyasi məhbus həyatı yaşayıb.