94 saylı Bərdə seçki dairəsindən deputatlığa namizəd, Müsavat Partiyasının nümayəndəsi Dadaş Əhmədli bildirib ki, onun xeyrinə təşviqat aparan yerli sakinlərə təzyiq edilir.

O bildirib ki, Ləmbəran kəndində onun xeyrinə təşviqat aparan beş yerli sakinin çəpərləri yandırılıb.

Namizəd güman edir ki, bunu yerli icra strukturlarının nümayəndələri ediblər.

Çəpərin ümumi uzunluğu 600 metrdir.

“Biz Ekologiya və Təbii Sərvətlər Nazirliyinə, prokurorluğa, Dairə Seçki Komissiyasına və MSK-ya şikayət edəcəyik. Bu mənə təzyiqdir, seçicilərə qarşı cinayətdir”, – D.Əhmədli Turan-a bildirib.

Qeyd edək ki, hakimiyyət bu dairədə Zahid Orucun namizədliyini müdafiə edir.