Azərbaycanda reklama görə dövlət rüsumları - 10-20 DƏFƏ ARTIRILIR – YENİ MƏBLƏĞLƏR

3-12-2021, 09:57           
Azərbaycanda reklama görə dövlət rüsumları - 10-20 DƏFƏ ARTIRILIR – YENİ MƏBLƏĞLƏR
Azərbaycanda açıqa havada reklam yerləşdirilməsinə icazə verilməsi üçün tutulan dövlət rüsumu 10 dəfələrlə artırılır.

FED.az xəbər verir ki, bu hazırda Milli Məclisdə müzakirə olunan «Dövlət rüsumu haqqında» qanuna dəyişiklikdə nəzərdə tutulur.

Qanunun 33-1-ci maddəsinə ediləcək - hansı ki, açıq havada reklam yerləşdirilməsinə icazəyə görə rüsumları əhatə edir – dəyişikliklər nəticəsində təkcə rüsumların məbləğinə deyil, onların yığılması tezliyinə və hesablanması qaydasına da aiddir. Nəzərdə tutulan dəyişikliklərin hamısı icazə rüsumunun məbləğinin artımı məqsədi daşıyır.

Beləliklə,

Qanunun hazırda qüvvədə olan 33-1-ci maddəsinə əsasən, açıq məkanda reklam yerləşdirilməsinə icazə verilməsi üçün tutulan dövlət rüsumunun məbləği reklamın 1 kvadratmetrinə görə 5-100 manat arasında dəyişir. Bu məbləğ bütün açıq hava reklamlarına aiddir.

2022-ci ildən isə reklam icazəsi üçün rüsumlar yeni qayda ilə hesablanacaq. Fərdi layihələr əsasında hazırlanmış reklam qurğularının hər kvadratmetrinə icazə rüsumu 100 manat olacaq.

Elektron reklamlarda kvadratmetrə görə 50 manatdan başlayır, reklamın sahəsi artdıqca hər kvadrata düşən məbləğ azalır. Belə ki, sahə 20 kvm-ə qədər olduqda kvadratmetrin qiyməti 50 manat, 50 kvm-ə qədər olduqda 20-dən artıq sahə üçün 15 manat, 100 kvm-a qədər olduqda 10 manat, 100 kvm-dən artıq sahələr üçün isə 5 manat nəzərdə tutulub.

Hərəkətsiz daşıyıcılar, məsələn transparant, körpüüstü reklam, bilbord və sairlərdə 1 kvadratmetrin qiyməti 10-20 manat arasında dəyişəcək.

Maraqlı məqam odur ki, reklamın yerləşdirilməsinə verilən icazə və ona görə ödənilən rüsum 1 illik dövrü əhatə edir, növbəti ilə üçün icazə yenidən alınmalı və yenidən rüsum ödənilməlidir. Bundan başqa, icazə alındığı dövrdə reklamın lisenziyalaşdırılan və ya sertifikatlaşdırılan yeni əmtəələrin reklamı yerləşdirilsə, yenidən icazə alınmalı və ödəniş edilməlidir. İcazə müddəti 1 ildən az olduqda, icazə xərci – rəklamın qüvvədə olacağı ayların sayına bölünür və həmin müddətə hesablanır.

Digər tərəfdən, hər hansı obyektin giriş hissəsində və ya fasadında (divarında, hasarında) yerləşdirilən və həmin obyektlərin adını, mənsubiyyətini, fəaliyyət növünü, ünvanını və iş rejimini istehlakçıya çatdıran, ölçüsü 1 kvadratmetrdən artıq olan lövhəyə (yazıya) görə dövlət rüsumu onun ümumi ölçüsünə uyğun ödənilir.

Reklam üçün icazə rüsumunun məbləği ölkənin regionları üzrə fərqlənəcək. Yuxarıda yazıda və aşağıda cədvəldə göstərilən rəqəmlər Bakı şəhəri üçün nəzərdə tutulub. Ölkə üzrə isə rüsuma görə, xüsusi əmsallar müəyyən edilib və regionlarda qiymət daha ucuzdur. Əmsallar Bakı şəhəri üzrə - 1; Gəncə, Sumqayıt və Xırdalan şəhərləri üzrə - 0,8; Abşeron rayonunun qəsəbə və kəndləri (Xırdalan şəhəri istisna olmaqla), Mingəçevir, Şirvan, Lənkəran, Yevlax, Şəki, Qəbələ, Quba, Naftalan şəhərləri və Xaçmaz rayonunun Nabran qəsəbəsi üzrə - 0,7; digər şəhər (rayon), qəsəbə və kənd üzrə - 0,5 nəzərdə tutulub.

Açıq məkanda reklam yerləşdirilməsinə icazə verilməsi üçün tutulan dövlət rüsumunun dərəcələri

Bu ilin sonunadək
________________________________

Dövlət rüsumu tutulmalı olan hərəkətlər

Dövlət rüsumunun məbləği

1

2

Açıq məkanda reklam yerləşdirilməsinə icazə verilməsi

5 manatdan – 100 manatadək

2022-ci ildən etibarən

Dövlət rüsumu tutulmalı olan hərəkətlər

Dövlət rüsumunun məbləği

33-1.1. Fərdi layihələr əsasında hazırlanmış reklam qurğuları (hava şarları, dirijabllar, aerostatlar və s.) - 1 kvadratmetr üçün

100 manat

33-1.2. Elektron (rəqəmsal) daşıyıcılar (monitor, ekran, tablo və s.) :



33-1.2.1. 20 kvadratmetrədək olduqda

hər kvadratmetrinə görə 50 manat

33-1.2.2. 50 kvadratmetrədək olduqda

1000 manat + 21-50 kvadratmetrlik hissəsinin hər kvadratmetrinə görə 15 manat

33-1.2.3. 100 kvadratmetrədək olduqda

1450 manat + 51-100 kvadratmetrlik hissəsinin hər kvadratmetrinə görə 10 manat

33-1.2.4. 100 kvadratmetrdən artıq olduqda

1950 manat + 100 kvadratmetrdən artıq olan hissəsinin hər kvadratmetrinə görə 5 manat

33-1.3. Təsvirin dinamik dəyişdiyi daşıyıcılar

(1 kvadratmetr üçün):



33-1.3.1. roller

40 manat

33-1.3.2. prizmatron və s.

17 manat

33-1.4. Hərəkətsiz daşıyıcılar (1 kvadratmetr üçün):



33-1.4.1. transparant, körpüüstü reklam

20 manat

33-1.4.2. ayrıca dayaqlı lövhə və qutu (o cümlədən ictimai nəqliyyat dayanacaqlarına inteqrasiya olunmuşlar), tumba, ödəniş terminalları və avtomatlaşdırılmış satış köşkləri (vending)

17 manat

33-1.4.3. bilbord, meqabord

15 manat

33-1.4.4. kronşteyn panel, divar panosu (brandmauer), binaların damında hərflər və loqotiplər şəklində yerləşdirilən reklam qurğuları, çətir, tent, bayraq, afişa stendi və "Reklam haqqında" Azərbaycan Respublikası Qanununun 26.1-ci maddəsində nəzərdə tutulmuş digər reklam daşıyıcıları (bu Qanunun 33-1.4.1- 33-1.4.3-cü maddələrində nəzərdə tutulmuş reklam daşıyıcıları istisna olmaqla)

10 manat
шаблоны для dle 11.2



Loading...



Loading...





Loading...

Teref.info © 2015
E-mail: [email protected]            Telefon: 051 933 93 21            Baş redaktor: Nurəddin (Xoca) İsmayılov
Məlumat internet səhifələrində istifadə edildikdə müvafiq keçidin qoyulması mütləqdir.