Uçmaq həddinə çatan Kəpənəkçi məktəbinə baxan yoxdur: FOTOREPORTAJ

22-09-2022, 10:12           
Uçmaq həddinə çatan Kəpənəkçi məktəbinə baxan yoxdur: FOTOREPORTAJ
Zaqatala rayon Kəpənəkçi kənd məktəbi xarabanı xatırladır.

TEREF.AZ yazır ki, Belediyye.net fotoqraf Vaqif Muğallının öz "facebook" hesabında paylaşdığı məlumata istinad edərək yazır ki, Kəpənəkçi məktəbi istifadə müddətini çoxdan başa vurub. Buna baxmayaraq Kəpənəkçi məktəbliləri bu məktəbdə təhsil almağa davam edir.

Zaqatala rayonunun bu kənd məktəbinin bərbad vəziyyətini diqqətə çatdırmaq istəyən Vaqif Muğallı öz səhifəsində foto və videolar paylaşaraq belə yazıb: "Bura Azərbaycanın ən gözəl rayonlarından biri olan Zaqatalanın ucqar Kəpənəkçi kəndinin orta məktəbidir. Əgər bura məktəb demək olarsa. Məktəbin girişində yazılmış "Təhsil Millətin Gələcəyidir" cümləsi diqqətimi çəkdi. Millətimizin gələcəyini bu cür şəraitdə yetişdirmək vətənimi, millətimi sevən bir insan olaraq məni çox narahat edir".

Məktəbin vəziyyətindən narahatlığını ifadə edən fotoqraf aidiyyatı quruma üz tutaraq yazısını belə yekunlaşdırıb: "Azərbaycan Respublikası Elm və Təhsil Nazirliyi və bütün aidiyyatı qurumlardan artıq dərəcədə xahiş edirəm millətimizin gələcəyinə biganə qalmayın".

Kəpənəkçi kənd məktəbibin videogörüntüsünə buradan bax:


















Teref.info © 2015
E-mail: [email protected]            Telefon: 051 933 93 21            Baş redaktor: Nurəddin (Xoca) İsmayılov
Məlumat internet səhifələrində istifadə edildikdə müvafiq keçidin qoyulması mütləqdir.