Öz sərvətini heç vaxt başqalarının sərvəti ilə müqayisə etmədiyini iddia edən amerikalı milyarder Çarli Mungerin fikrincə, dünyada xəsislik deyil, paxıllıq hakimdıir.

Cebhe.info xəbər verir ki, onun sözlərinə görə, var-dövlət dalınca getmə motivi həmişə müstəqilliyi, işdə və həyatda istədiyini etmək azadlığını təmin etmək olub. Münger daha çox insanın ondan nümunə götürməsini istəyib: “Dünya xəsisliklə idarə olunmur. Bu, qısqanclıqdan qaynaqlanır".

Sərvəti “Forbes” tərəfindən 2,2 milyard dollar dəyərində qiymətləndirlən 98 yaşlı milyarder əlavə edib ki, insanlar asanlıqla və tez-tez paxıllıq edirlər. O qeyd edib ki, insanda hər zaman sahib olduğu şeylər çatmır.

“Həyatımda paxıllığa qalib gəlmişəm. Mən heç kimə paxıllıq etmirəm”, - Munger deyib. “Başqasının nəyə sahib olduğu məni maraqlandırmır. Amma bu, başqalarını dəli edir”,-deyə o əlavə edib.

Təbii ki, milyarder olanda bunu demək daha asandır.

2017-ci ildə Munger müsahibəsində biznesdə həmişə "paxıllıq və qısqanclıq" hiss etməməyə çalışdığını deyib. Əlavə etdi ki, bu cür düşüncələr karyeraya zərər verə bilər: “Çünki sizin pis nəticələnə biləcək qərəzli qərarlar vermək ehtimalınız yüksəkdir”.

2018-ci ildə aparılan bir araşdırma paxıl insanların psixi sağlamlıq və rifah halının daha pis olduğunu göstərib. Sosial media da paxıllıq və materializm hisslərini artırır.