Gömrük Komitəsi məhkəmələri də saya salmır - Səxavət Mustafayev kiçik sahibkardır. Deyir, Rusiyadan Azərbaycana vaqonlarla şüşə lövhələr gətirirmiş. 2015ci-ildə Dövlət Gömrük Komitəsi onun vaqonlarını içində məhsullarla bərabər təxminən 5 ay gözlədib. Şikayətçinin sözlərinə görə, vaqonların gözlədilməsi ona maddi ziyan vurub.

Məhkəmə qərarı şikayətçinin lehinə çıxarılsa da, icra edilmir. S.Mustafayev deyir, yanvar ayının 10-dan qüvvəyə minən qərarın icrasını hələ də gözləyir.

Bakı İnzibati Məhkəməsi qərarın icrası üçün hansı addımları atıb? Məsələ ilə bağlı məhkəmədən Toplum TV-ə bildirildi ki, mediaya deyil, yalnız vətəndaşın özünə məlumat verə bilərlər. Dövlət Gömrük Komitəsi də Toplum TV-nin sorğusuna cavab verməyib, vətəndaşın müraciətinə yazılı cavablarında isə deyiblər ki, sözügedən cəriməni ödəmək qurumun 2023-cü il büdəsində nəzərdə tutlmayıb. Amma 2024-cü il ərzində bu məbləğ vətəndaşa ödənəcək.

Toplum TV