SOCAR emissiyalarının bir hissəsini dronlar və peyklər vasitəsilə ölçməyə başlayıb
Azərbaycan Dövlət Neft Şirkəti (SOCAR) artıq emissiyalarının bir hissəsini dronlar və peyklərin köməyi ilə ölçməyə başlayıb.

İndex.az xəbər verir ki, bunu SOCAR-ın vitse-prezidentinin müavini Teymur Quliyev Milli Məclisin Təbii Ehtiyatlar, Energetika və Ekologiya Komitəsində keçirilən ictimai dinləmədə bildirib.

Onun sözlərinə görə, xüsusilə dənizdəki neft-qaz platformalarında və uzunməsafəli boru kəmərlərində emissiyaların əl alətləri ilə ölçülməsi effektiv deyil və praktiki baxımdan çətinlik yaradır: “Dronlar və peyk avadanlıqlarından istifadə etməklə bu proses xeyli asanlaşdırılıb və xərclər azaldılıb”.