Lənkəran rayonu, Girdəni kənd sakini Əliyev Əflatun Aşur oğlu tərəfindən Hurriyyet.az saytının redaksiyasına şikayət məktubu daxil olub. Ə.Əliyev Kənd Təsərrüfat Nazirliyindən (KTN) şikayətçidir:

“Mən, Əliyev Əflatun Aşur oğlu, yazaraq sizdən xahiş edirəm ki, problemimi işıqlandırasınız.

Bildirim ki, Girdəni kəndində kiçik bir heyvandarlıq təsərrüfatım var. Heyvanlarım süni mayalanma, texniki mayalanma nəticəsində buzovlar doğub. Qeyd edim ki, süni mayalanma ilə buzovlar doğulandan sonra rəsmi qurumlar tərəfindən onlara "birka"lar vurulub. Həmin "birka"lar əsasında Kənd Təsərrüfat Nazirliyi hər buzova görə 100 AZN (manat) pul ödəniş etməlidir. Lakin bir ildən artıqdır ki, bu məbləğ hesaba köçürülmür.

Hər dəfə maraqlandığımız zaman "bu ay, o ay", - deyib bizi gözlədirlər. Niyə bu qədər gecikdirirlər? Onlar üçün 100 manat pul elə böyük bir məbləğ deyil axı.