Avropda kartofun qiyməti sürətlə ucuzlaşır.
Yeniavaz.com xəbər verir ki, bu gün Avropa Enerji Birjasında (EEX) bir kiloqram kartofun qiyməti (fyuçers) 0,21 avroya (38 qəpik) bərabər olub.
Qeyd edək ki, kartofun qiyməti fevral ayının 4-dən sonra 40% aşağı düşüb. Belə ki, 4 fevral tarixində bir kiloqram kartofun birjadakı satış qiyməti 0,35 avro (64 qəpik) olub. Son bir ildə isə kartofun qiymətində daha kəskin ucuzlaşma qeydə alınıb. Bir il əvvəl Avropa Birjasında bir kiloqram kartofun qiyməti 0,39 avro (72 qəpik) olub.
Açıqlanan məlumatlardan da göründüyü kimi, Avrop birjalarında kartofun qiyməti son bir ildə 46% aşağı düşüb. Lakin, kartofun pərakəndə satış qiyməti son bir ildə Azərbaycanda 58%-ə yaxın artıb. Belə ki, ötən ilin mart ayında 95 qəpiyə (0,52 avro) satılan kartof, hazırda 1,5 manata (0,82 avro) satılır.