Azərbaycanın tanınmış şairi, publisist Şahmar Əkbərzadənin məzarına gedən yol Xırdalan bələdiyyəsinin sədri Anar Abbasov tərəfindən başqa bir şəxsə satılıb.

Yenicag.az xəbər verir ki, bu barədə jurnalist Rey Kərimoğlu yazıb.

Jurnalistin sözləri görə, şairin ailəsi bu ədalətsizliyə etiraz edərək bələdiyyəyə müraciət edib. Lakin Abbasovun iddiaya görə ailəyə verdiyi cavab diqqət çəkib:

“Yaxşı eləmişəm. Torpaq bələdiyyənindir, satmışam.”

Hadisə cəmiyyət arasında geniş narazılıq doğurub. Mədəniyyət xadimləri və ictimai fəallar bunu mənəvi dəyərlərin, milli ədəbiyyat və ziyalılara hörmətin tapdanması kimi qiymətləndiriblər.