Türkiyənin məşhur müğənnisi Mabel Matiz haqqında "Perperişan" mahnısının sözlərində senzuradan kənar ifadələr işlədildiyi və yaş məhdudiyyəti qoyulmadan paylaşılması səbəbilə uşaqlar üçün təhlükə yaratdığı iddiası ilə aparılan istintaq tamamlanıb.

Bu barədə "Haber Global" xəbər verir.

İstanbul Prokurorluğu tərəfindən hazırlanan iddianamədə mahnı sözlərinin cinsi arzuları oyatdığı və hər kəs tərəfindən asanlıqla anlaşıldığı qeyd olunub.

Mahnının sosial şəbəkələrdə açıq şəkildə yayımlandığı və yaş məhdudiyyətinin tətbiq edilmədiyi vurğulanaraq, bunun ictimai asayiş və uşaqların qorunması baxımından təhlükə yaratdığı bildirilib.

Mabel Matizin mahnıya verdiyi izah qəbul edilməyib, sözlərin bütövlükdə cinsi məna daşıdığı qeyd olunub.

Prokurorluq sənətçi Fatih Karacanın (Mabel Matiz) 6 aydan 3 ilə qədər həbsini tələb edib.