Dünya okeanında tankerlərlə daşınan neftin həcmi son iki ilin ən yüksək səviyyəsinə çatıb
Dünən, 16:54
Okeanda olan tankerlərdəki neftin həcmi iki ildən çox müddət ərzində maksimum səviyyəyə çatıb.
Bu barədə "İnterfax" agentliyi xəbər verir.
"Vortexa" şirkətinin məlumatına görə, hazırda dəniz tankerlərində təxminən 1.25 milyard barel neft daşınır ki, bu da 2023-cü ilin aprelindən bəri ən yüksək həcmdir.
Digər analitik şirkət "Kpler" isə bəyan edib ki, hazırkı göstərici 2023-cü ilin iyunundan bəri ən yüksək rəqəmdir.
"Bloomberg" agentliyi qeyd edir ki, bu, həm OPEC daxilində, həm də kartelin xaricində tədarüklərin artmasını əks etdirir.
