Azərbaycanda "Aİ-92” markalı benzinin qiymətinin artmasına baxmayaraq, paytaxtda şəhərdaxili sərnişin avtobuslarında gediş haqqı artırılmayacaq.

Bu barədə SalamNews-a Bakı Nəqliyyat Agentliyinin (BNA) Mətbuat xidmətinin rəhbəri Mais Ağayev məlumat verib.

Onun sözlərinə görə, hazırda avtobuslarda gediş haqqının artırılması ilə bağlı məsələ müzakirə edilmir. Bu səbəblə qiymət artımından heç bir söz gedə bilməz.

Bildirək ki, Tarif (qiymət) Şurasının 2017-ci ilin 14 iyul tarixində keçirilmiş iclasında “Aİ-92” markalı benzinin pərakəndə satış qiyməti 1 litr üçün 90 qəpik səviyyəsində təsdiq edilib.