Qafqaz Müsəlmanları İdarəsinin sədri Hacı Allahşükür Paşazadənin qudası, Milli Məclisin keçmiş deputatı Hacı Qalib Salahzadə növbəti dəfə Həcc ziyarətinə gedəcək.

Bu barədə “Ölkə.Az”-a Qalib Salahzadə özü məlumat verib.

Q.Salahzadə indiyədək reallaşdırdığı Həcc ziyarəti saylarını dəqiq bilmədiyini söyləyib:

“Mən Həcc ziyarətində çox olmuşam. Dəqiq sayını bilmirəm, ancaq 30 dəfədən çox Həccə getmişəm. İki dəfə də Kəbə Evinin içərisində olmuşam. Bu qədər Həcc ziyarətində olmaq hər adama nəsib olmur. Allaha yaxın olduğum üçün bunlar reallaşır”.

Xatırladaq ki, bu ilin sentyabrından etibarən Azərbaycanda Həcc ziyarətinə səfərlər başlayacaq.