İTV-nin quruluşçu rejissoru Ruslan Nuriyev 53 yaşında, uzun sürən xəstəlikdən sonra dünyasını dəyişib. Bu barədə İTV-nin əməkdaşları sosial şəbəkədə məlumat paylaşıblar. Məlumat üçün deyək ki, uzun müddət Az.TV-də rejissor kimi çalışan Ruslan İTV yarandığı ilk vaxtlardan bu qurumda işləyib. Həmkarlarını yadında səmimiyyəti, işgüzarlığı ilə həkk olunan bu istedadlı insan maddi sıxıntılarına rəğmən amansız xəstəliklə təkbaşına mübarizə aparırdı. Görünür, həyatda hər şeyin sonu olduğu kimi, mübarizənin də bitdiyi bir nöqtə var və insan o mübarizədən bezir və əbədi rahatlığa can atır... Ruslanın onu gözləyən labüd ölümü ağuşuna gedərkən belə, üzündəki təbəssümün silinmədiyinə əminik. Və əzablarla dolu bu dünyadan köç edən həmkarımıza, dostumuza Allah rəhmət eləsin, yerin cənnət olsun- deyirik. Polemik.az