“260 manat pensiya alıram, buna da şükür” - Yusif Mustafayev
16-09-2021, 18:50
"Toy yox, düyün yox, bütün günü evdəyəm. Çalışıram ki, evdən bayıra çıxmayım. Bəladan qorunmağın yolu ancaq budur”.
Bunu Qaynarinfo-ya açıqlamasında Əməkdar artist Yusif Mustafayev deyib. Müğənni yaşı ilə əlaqədar toylara az dəvət aldığını bildirib:
"Məhərrəmlikdən əvvəl bir-iki toya dəvət aldım. Arada dəvət edirlər, daha bizim o yaşımız deyil. Ağ saçlı adamam, əvvəlki kimi cavan olsaydım, toylara da dəvət alardım. İndi çağırmırlar, evdəyik, heç çətinliyim yoxdur. Allah dövlətimizi, xalqımızı var eləsin, balalarım işləyir, mən də 260 manat pensiya alıram, dolanırıq, buna da şükür”.
