Əməkdar artist Elza Seyidcahanın koronavirusa yoluxduğu bildirilir. Məlumata görə sənətçi təcrid olunub və ev şəraitində müalicə alır.

Bizim.Media xəbəri müğənninin özü ilə dəqiqləşdirib. Elza Seyidcahan saytımıza açıqlamasında virusa yoluxmadığını və özünü çox gümrah hiss etdiyini bildirib:

“Doğru məlumat deyil. Maşallah, top kimiyəm. Peyvənd də olunmuşam. Üstəlik koronavirus qüsulu da verirəm”, - deyə sənətçi qeyd edib.

Xatırladaq ki, Elza Seyidcahan pandemiyanın ilk günlərində virusdan qorunmaq üçün maraqlı açıqlaması ilə gündəmə gəlmişdi. O, xəstələnməmək üçün koronavirus qüsulu almaq lazım olduğunu bildirmişdi. Hətta bununla bağlı videosujet də paylaşmışdı.