Müğənni Dilarə Kazımova yeni, qeyri-adi tərzdə fotosessiya etdirib.

Oxu.Az-ın məlumatına görə, o bu barədə şəxsi sosial şəbəkə hesabında paylaşım edib.

Belə ki, sənətçi tamamilə fərqli obrazda kamera qarşısına keçib. Dilarə fotosessiya üçün saçını uzatdıraraq fərqli rənglərə boyatdırıb.

İfaçı mini ətəkli, cazibədar obrazını qalın və uzun kürklə tamamlayıb. Kazımovanın saç və stili üzərində peşəkar komanda çalışıb.

Dilarənin üç fərqli fotosu sosial şəbəkə istifadəçiləri tərəfindən maraqla qarşılanıb.