Dünyanın ən məşhur serialı “Game of Thrones”da Zen Vorq obrazını canlandıran Cozef Qatt həbs olunub.

Lent.az xarici KİV-ə istinadən xəbər verir ki, 50 yaşlı aktyor azyaşlı uşaqlara qarşı cinsi istismarda şübhəli bilinir.

Cozef isə bütün ittihamları rədd edib.

Aktyor aprelin 6-da saxlansa da, elə həmin gün 5 min dollar girov müqabilində sərbəst buraxılıb.

Məsələ ilə bağlı araşdırmalar davam edir.

Qeyd edək ki, Cozef Qatt “Thor”, “Star Trek Into Darkness” ve “Dumbo” kimi filmlərdə rol alıb.