Müğənni Elçin Cəfərov şou-biznesdə kişi müğənnilərinin saçlarını boyamalarından, sırğa taxmasından danışıb. Lent.az-ın “Canlı yayımı”nda qonaq olan ifaçı bildirib ki, o heç vaxt başına rəng qoymayacaq:

“Müğənnilərin sırğa taxmalarına, saçlarını boyamalarına normal baxıram. Bu bütün dünyada var. Amma mən öz adıma danışaraq, demək istəyirəm ki, belə şeyləri xoşlamıram. Heç vaxt, "heç vaxt" demirəm. Amma inşallah ki, heç vaxt bu cür şeylər eləmərəm. Çünki mən həyatı sevdiyimə görə, saçın ağını da bəyənirəm. Təbiiliyə üstünlük verən insanam. Mənə elə gəlir ki, insanın saçı ağ olsa belə elə formada düzəltdirə bilər ki, qəşəng görsənər”.