Arnold Şvarsneqqerdən Trampa: “Qıcqırmış makarona oxşayırsınız…”
17-07-2018, 13:15
Aktyor və Kaliforniya ştatının keçmiş qubernatoru Arnold Şvarsneqqer ABŞ və Rusiya prezidentlərinin Helsinkidə baş tutan görüşü haqqında öz təəssüratlarını bölüşüb.
O, fikirlərini “Twitter” hesabından yayımladığı video vasitəsi ilə deyib.
Belə ki, aktyor Donald Trampı təhqir edərək “Prezident Tramp, mən sizin Vladimir Putinlə baş tutan görüşünüzə baxdım. Bu, biabırçı formada görünürdü. Siz orada balaca qıcqırmış makaron kimi görünürdünüz. Özümə sual verdim ki, görəsən, siz nə vaxt ondan avtoqraf, selfi və ya bu kimi şeylər istəyəcəksiniz?” – deyə fikir bildirib.
