Rusiya Menbiç şəhərinin qərbində hərbi patrul təşkil etməyə başlayıb.

Teleqraf.com xəbər verir ki, bu şəhər Türkiyənin həssas nöqtələrindən hesab olunur. Rəsmi Ankara PYD/YPG-nin bu ərazilərdən çıxmasını tələb edir.

Yerli qaynaqların məlumatına görə, Rusiyanın təşkil etdiyi hərbi patrullarda Bəşər Əsəd rejiminə bağlı qüvvələr də iştirak edir.

İddia edilir ki, Rusiya patrul təşkil etdiyi ərazilərdə nəzarət məntəqələri də qurub.

Bundan əvvəl Rusiya və Bəşər Əsəd qüvvələri Arimah məntəqəsində kontrol nöqtələri qurduqdan sonra birgə qərargah yaratmışdılar.