Çavuşoğlu açıqladı: Türkiyə “Barış Pınarı” əməliyyatını dayandırdı
23-10-2019, 15:28
Türkiyə Suriyanın şimalında aparılan “Barış Pınarı“ antiterror əməliyyatını dayandırıb.
"Yeni Sabah" “Anadolu” agentliyinə istinadən bildirir ki, bunu Türkiyənin Xarici İşlər naziri Mövlud Çavuşoğlu açıqlayıb.
Çavuşoğlu bununla bərabər, əməliyyatın bitmədiyini və lazım gələrsə ordunun terrorçulara zərbə vurmağa hazır olduğunu qeyd edib:
“Terrorçular peyda olsa, ordumuz onlarla döyüşəcək. Hələ görüləcək çox işlər var. Bu səbəbdən meydanda qalacağıq”.
Xatırladaq ki, oktyabrın 22-də Soçidə Türkiyə və Rusiya prezidentləri arasında Suriyaya dair razılaşma əldə edilib.
