Türkiyə İdlibdə keçirdiyi əməliyyatlarla bağlı Rusiyanı xəbərdar etməyib.

Axar.az xəbər verir ki, bu məlumatı Rusiya Müdafiə Nazirliyi yayıb. Nazirlik məhz bunun ucbatından Türkiyə hərbçilərinin Suriya ordusunun hədəfinə çevrildiyini bildirib.

Moskva həmçinin Türkiyə təyyarələrinin Suriya sərhədini pozmadığını və Suriya ordusuna hansısa hücum təşkil etmədiyini bəyan edib.

Qeyd edək ki, Suriya rejim qüvvələrinin türk ordusuna hücumu nəticəsində 4 əsgər şəhid olub, 9-u yaralanıb. Türkiyə lideri Ərdoğan cavab zərbəsi ilə 46 rejim əsgərinin məhv edildiyini açıqlayıb.