Amerikanın layihəsi şiə-sünni-müharibəsidir. Biz əgər bir-birimizə kafir deyərsək, bu Amerikanın işinə gələr. FaktXəbər-in verdiyi məlumata görə, bu sözləri Türkiyənin hənəfi məzhəbindən olan tanınmış din xadimi Arpaslan Kuytul deyib.

«Biz əhli-sünnətik, amma şiələri kafir görə bilmərik. Şiənin imamlarından İmam Cəfəri Sadiq bizim bizim İmamımız Əzəm əbu Hənifənin müəllimi olub, 2 il ona dərs deyib. İmam Əzəm deyibö ki, həmin iki il olmasaydı, mən məhv olardım» - deyə ruhani vurğulayıb. Onun sözlərinə görə, hər iki məzhəb imanın əsaslarını qəbul etdiyi üçün bir-birinə kafir deyilməsi düzgün deyil və bu, ABŞ-ın oyunudur.

«Biz bu oyunu pozmaq üçün bütün müsəlmanları qardaş olaraq görməliyik. Kim bu zamanda şiə-sünni məsələsi salırsa, Amerikanın çörəyinə yağ çəkir, bəlkə də ABŞ-ın cəsusudur», - deyə Arpaslan Kuytul son olaraq bildirib.