Ötən gün Ankarada baş verən dəhşətli terror hadisəsi beynəlxalq gündəmin diqqət mərkəzindədir.

Modern.az Türkiyə KİV-nə istinadən xəbər verir ki, Milliyətçi Hərəkat Partiyasının (MHP) sədri Dövlət Baxçalı terror aktını kəskin şəkildə pisləyən bəyanatla çıxış edib.

O deyib ki, bu cür fövqəladə vəziyyətin yaranması düşmənlik və barbarlıqdır.

“Kim nə edirsə etsin, əziz millətimiz terrora boyun əyməyəcək, təslim olmayacaq. Heç bir cani, qatil, terror təşkilatı və bunları himayə edən yerli və xarici havadarlar məqsədlərinə çatmayacaq”.

MHP lideri bildirib ki, Türkiyə bu gün terrorun və cinayətin, fəlakətlərin təhdidi altındadır. Bununla belə o qeyd edib ki, Türkiyə dövləti ona qarşı oynanılan oyunları poza biləcək gücdədir.

“Türkiyə zalımların, insan canına qəsd edən alçaqların oyununu poza biləcək güc və qüdrətə sahibdir”.

Qeyd edək ki, son məlumatlara görə, Ankarada baş vermiş terror nəticəsində 28 nəfər ölüb, 61 nəfər isə yaralanıb.