Rusiya Müdafiə Nazirliyinin mətbuat xidmətinin rəhbəri general-mayor İqor Konaşenkova töhmət verilib.

Axar.az xəbər verir ki, bu barədə informasiyanı “Kommersant” qəzeti yayıb. Töhmətə əsas səbəb generalın Suriyada hərbi əməliyyatların yerinə yetirildiyi zonada çalışan jurnalistlərlə bağlı təhlükəsizlik tədbirlərinə kifayət qədər əməl etməməsi olub.

Qeyd edək ki, Konaşenkov bir müddət öncə rusiyalı və xarici jurnalistlərin Latakiyadakı Kinsibba bölgəsinə səfərini təşkil edib. Buraya gələn jurnalistlərə böyük çaplı artilleriya qurğularından atəş açılıb. Nəticədə Rusiya, Çin, Kanada və Bolqarıstandan olan dörd jurnalist yaralanıb.