Türkiyənin “Baykar” şirkəti “KızılmaElma” pilotsuz qırıcılarının (MİUS) ikinci protoripini hazırlayıb. Ordu.az xəbər verir ki, bu barədə şirkətin texniki meneceri Selçuk Bayraktar “Twitter” hesabında məlumat yayıb.

O, ilk uçuşunu 2023-cü ildə etməsi hədəflənən təyyarənin ikinci prototipinin Samsunda keçiriləcək “Teknofest 2022” sərgisində nümayiş etdiriləcəyini bildirib.

Bayraktar 19 iyun 2022-ci ildə “KızılmaElma” prototipinin görüntülərini paylaşıb. Sistemin səs sürətinə yaxın sürətdə fəaliyyət göstərəcəyi, növbəti prosesdə səs sürətini keçə biləcəyi bildirilir. Pilotsuz təyyarə 1,5 tona yaxın döyüş sursatı və faydalı yükləmə qabiliyyətinə sahib olacaq.