Türkmənistan Avropa İttifaqı (Aİ) ilə iqtisadiyyat, ekologiya, enerji, humanitar və mədəni sahələrdə əməkdaşlığı genişləndirmək niyyətindədir.

Bu barədə respublikanın Xarici İşlər Nazirliyinin mətbuat xidməti məlumat yayıb.

“Türkmənistan Nazirlər Kabineti sədrinin müavini - xarici işlər naziri Rəşid Meredov Nazirlər Kabinetinin son iclası çərçivəsində Türkmənistan və Aİ arasında əməkdaşlığın daha da genişləndirilməsi və əvvəllər əldə edilmiş razılaşmaların həyata keçirilməsi istiqamətində görülən işlər barədə danışıb”, - deyə məlumatda bildirilib.

Xatırladaq ki, hələ sentyabrın əvvəlində Almaniyanın Mərkəzi Asiya respublikasındakı yeni səfiri Uve Byerhoff Almaniya və Aİ-nin Türkmənistanla əməkdaşlığın genişləndirilməsinin tərəfdarı olduğunu bəyan edib.