Ukrayna kəşfiyyatı Rusiya xüsusi xidmət orqanlarına bağlı olduğu şübhə doğurmayan rus prankerin (oyunbaz) Türkiyənin "Baykar" şirkətinin rəhbərlərindən biri ilə zarafat etmək cəhdinin qarşısını alıb.

Qafqaz.media “BBC Ukrayna”ya istinadən xəbər verir ki, bu barədə Müdafiə Nazirliyinin Baş Kəşfiyyat İdarəsi açıqlama yayıb.

Prankerlər "Deepfake" texnologiyasından istifadə edərək Ukraynanın baş naziri Denis Şmıxalın adından "Baykar" şirkətinin Baş direktoru Haluk Bayraktarla video vasitəsilə əlaqə saxlayıblar.

“Cənab Halukla gözlənilən söhbət əvəzinə, ruslara “Baykar”ın saxta “katibi” ilə danışmaq qismət oldu. Söhbət zamanı bir neçə dəfə özünü ifşa edən rusiyalı əməliyyatçının hazırlıq səviyyəsinin aşağı olduğunu qeyd etmək lazımdır”, - idarədən qeyd ediblər.