"CBS News" telekanalının sahibi "Paramount Global" media holdinqi Demokratlar Partiyasından prezidentliyə namizəd Kamala Harrislə ötən ilin oktyabrındakı müsahibə ilə bağlı məhkəmə iddiasının nizamlamanması çərçivəsində 16 milyon dollar ödəyib.

Oxu.Az xəbər verir ki, bu barədə ABŞ Prezidenti Donald Tramp "Truth Social" platformasında yazıb.

Tramp holdinqdən reklam hesabına daha 20 milyon dollar alacağını gözlədiyini bildirib.

2024-cü ilin noyabrında Tramp prezidentliyə namizəd olarkən Harrislə müsahibəyə görə "CBS News"u məhkəməyə vermiş və izləyiciləri seçkiyə müdaxilə etmək məqsədilə çaşdırmağa görə 10 milyon dollar tələb etmişdi, fevral ayında isə bu məbləğ 20 milyon dollara yüksəlmişdi.