Quru Qoşunları Komandanlığının qərargah rəisi, ordu generalı İhsan Uyar və Quru Qoşunlarının Təlim və Doktrina Komandanlığının (EDOK) komandanı Kamil Başoğlunun istefaları ilə bağlı iki iddia irəli sürülüb.

Axar.az xəbər verir ki, birinci iddiaya görə, prezident, baş nazir və Baş Qərargah rəisi dünən baş tutan görüşdə hər iki generalın yerinə başqa şəxslərin gətirilməsi üçün razılaşıb. Bundan sonra generallardan istefa vermələri tələb olunub.

İkinci iddiaya görə isə generallar hərbi çevrilişə cəhd zamanı yetərincə tədbir görmədikləri üçün ölkə ictimaiyyəti “komandanlar istefa versin” çağırışı ilə çıxış edib və hökumət xalqın istəyini nəzərə alaraq onları istefaya göndərib.

Qeyd edək ki, hər iki general bu gün Çankaya köşkündə Türkiyənin Baş naziri Binəli Yıldırımın rəhbərliyi ilə keçirilən Ali Hərbi Şuranın (YAŞ) toplantısında iştirak edəcəkdi.