Türkiyənin müxalifət partiyalarından olan İYİ Partiyada gözlənilməz ayrılıq yaşanıb.

"Cebheinfo.az" xəbər verir ki, partiyanın mətbuat katibi, deputat Kürşad Zorlu istefa verib.

O, qərarını sosial şəbəkə hesabında açıqlayıb:

"Təəssüf ki, gəlinən nöqtədə ümidimizi gələcəyə daşıyacaq bir hədəf müəyyən edilmədiyini və irəliləmə imkanınızın olmadığını görürəm.

Bu çətin vəziyyətdə öz yoluma qayıtma vaxtıdır. Bu gündən etibarən üzvü olduğum İYİ Partiya ilə rəsmi əlaqəmi kəsirəm.

Bu dam altında birgə mübarizə apardığım həmkarlarıma və mənə dəstək olan təşkilatımızın əməkdar üzvlərinə ürəkdən təşəkkür edirəm.

İndiyə qədər etdiyim kimi bundan sonra da vətənimə xidmət etmək üçün əzm və qətiyyətlə çalışmağa davam edəcəyəm".