Türkiyənin Bolu vilayətinin Kartalkaya dağ-xizək kurortunda yerləşən “Grand Kartal” otelində 66 nəfərin ölümü ilə nəticələnən yanğınla bağlı aparılan istintaq çərçivəsində 4 nəfər saxlanılıb.

Demokrat.az xəbər verir ki, bu barədə Türkiyənin ədliyyə naziri Yılmaz Tunç sosial şəbəkə hesabında məlumat yayıb.

“66 vətəndaşımızın həlak olduğu oteldə baş vermiş yanğınla bağlı Bolu Baş Prokurorluğunda başlanmış məhkəmə istintaqı çoxşaxəli və hərtərəfli aparılır. 6 prokurorun iştirak etdiyi istintaq tədbirləri çərçivəsində 4 nəfər saxlanılıb, o cümlədən otel sahibi”, - nazir yazıb.

Türkiyənin Radio və Televiziya Ali Şurası yanğınla bağlı KİV-in işıqlandırılmasına məhdudiyyətlər qoyub.