Əgər ABŞ PYD-ni seçsə, bu, rəsmi Vaşinqton üçün yanlış bir addım olar.

Axar.az xəbər verir ki, bu sözləri Türkiyə Baş nazirinin müavini Numan Qurtulmuş deyib.

“Şübhəsiz ki, bu seçimin neqativ nəticələrini ABŞ özü də görər. Bölgədə terror təşkilatlarının varlığı Türkiyə üçün milli təhlükəsizlik məsələsidir. ABŞ və Rusiya üçün Suriyadakı, İraqdakı yanğın uzaq məhəllədəki evin yanması kimidir. Bizim üçün isə yaxın qonşuda başlayan yanğındır. Buna görə də Suriya məsələsi ilk növbədə bizi narahat edir”, - Qurtulmuş bildirib.